වර්ෂ 1600 දී ජපානයේ රාජ්‍යාධිකාරී කවුන්සිලයක් විසින් තමයි පාලනය වෙන්නෙ. ඒ කියන්නෙ රජතුමාගේ අභාවයෙන් පස්සෙ පුත් කුමරුට අවුරුදු 16ක් වෙනකම් රට පාලනය කරන්න මේ කවුන්සිලයට තමා බාර වෙන්නේ. ඔය අතරෙ රජතුමා විශ්වාසවන්තම සාමිවරයෙක් වන දක්ෂ බුද්ධිමත් යෝෂි ටොරනාගා සාමිවරයා ඉවත් කරන්න තමා මේ අධිකාරියේ අනික් අයගෙ සැලැස්ම.මොකද එයා නිසා කාටවත් අර ඔටුන්න හිමි කුමරුටත් මොකුත් කරන්න බෑ ආරක්ෂාව එයා සලසන නිසා. තව මේ සාමිවරුන්ගෙත් කට්ටියක් ඉන්නව ක්‍රිස්තියානි ආගම වැලඳගෙන ඉන්න. ඉතින් ජපානේ වෙලඳ කටයුතු ඔක්කොටම මැදිහත් වෙලා කිතුනු දහමත් පතුරගෙන පෘතුගීසීනුත් ඉන්නව මේ අස්සෙ.හැමෝම තමන්ගෙ සුගතියගැන හිතල වැඩ කරන කොට ආරවුල් ගොඩක ඉන්නෙ ජපානෙට එක නැවක් ගහගෙන එනවා.ඒ නැවේ නියමුවා තමයි ජෝන් බ්ලැක්තෝර්න්.ඉතින් මේ පිරිස ජපන්නුන්ගේ අත්අඩංගුවට පත් වෙනවා.
පසුගිය කොටසින්..
හතරවෙනි කොටසේ මොකද උනේ කට්ටියට මතකයිනේ..මම පොඩ්ඩක් මතක් කරන්නම්. ටොරනගාගේ පුතා අන්ජින්ගේ උදව් ඇතිව කාලතුවක්කු රෙජිමේන්තුව පුහුණු කරා ඔයාලට මතක ඇතිනේ..ඒ පුහුණු වීම් අතරෙදි එතනට නෙබරා ජේසන් එනවා..ඉතින් ඔහුටත් පහුවදා කාලතුවක්කු රෙජිමේන්තුවේ පුහුණු වීම් නරඹන්න ආරාධනා කරනවා..ඉතින් ඔය අතරෙදි ඕමි ටොරනගාගේ පුතාව අවුස්සලා නෙබරා ජෝසන්ව මරන්න සැලසුම් කරානේ..ඉතින් ටොරනගාගේ පුතා ඒ ඇම ගිලලා ඒ විදියටම ඒ වැඩේ සිද්ධ කරනවා..අද කතාව පටන් ගන්නේ එතනින්..එහෙනම් බලමුකෝ අද කොටසෙන් මොකද වෙන්නේ කියලා ..ගිහින් එන්නම්..
